ງານວາງສະແດງສິນຄ້າຈີນ-ອາຊີຕາເວັນອອກສຽງໃຕ້ (China-South Asia Expo) ຄັ້ງທີ 8 ຈັດຂຶ້ນລະຫວ່າງວັນທີ 23-28 ກໍລະກົດ 2024 ທີ່ນະຄອນຄຸນໝິງ ສປ ຈີນ ພາຍໃຕ້ຈຸດປະສົງເພື່ອເປັນການເຊື່ອມໂຍງ ແລະ ພັດທະນາຜັນຂະຫຍາຍໂຄງການໜຶ່ງແລວໜຶ່ງເສັ້ນທາງ, ເຊື່ອມໂຍງຈີນສູ່ບັນດາປະເທດອາຊີ ແລະ ຍົກສູງຜັນຂະຫຍາຍດ້ານການຮ່ວມມືກັບບັນດາປະເທດທີ່ເຂົ້າຮ່ວມໂຄງການໜຶ່ງແລວໜຶ່ງເສັ້ນທາງ, ໂອກາດດັ່ງ ທ່ານ ວຽງຄອນ ສິດທິໄຊ ຮອງປະທານ ບໍລິສັດ ວຽງຈັນ ໂລຊິດສະຕິກ ພາກ ຈຳກັດ ພ້ອມດ້ວຍຄະນະ ກໍໄດ້ເຂົ້າຮ່ວມວາງສະແດງຜະລິດຕະພັນການບໍລິການຂອງບໍລິສັດ

ໂອກາດດັ່ງກ່າວ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ ແຫ່ງ ສປປ ລາວ, ທ່ານ Ding ZhongLi ຮອງປະທານສະພາປະຊາຊົນແຫ່ງຊາດ, ເຈົ້າແຂວງຢຸນໜານ ສປ ຈີນ ພ້ອມດ້ວຍບັນດາຄະນະນຳຂອງປະເທດອາຊີຕາເວັນອອກສຽງໃຕ້ ແລະ ປະເທດອາຊີໃຕ້ເຂົ້າຮ່ວມພິທີເປີດງານ expo ກໍໄດ້ເຂົ້າຢ້ຽມຊົມບູດວາງສະແດງຂອງປະເທດຕ່າງໆທີ່ໄດ້ເຂົ້າຮ່ວມງານ ແລະ ຍັງໄດ້ເຂົ້າຢ້ຽມຊົມບູດວາງສະແດງຂອງ ກຸ່ມບໍລິສັດ PTL holding ແລະ ວຽງຈັນ ໂລຊິດສະຕິກ ພາກ

ງານວາງສະແດງສິນຄ້າຄັ້ງນີ້ຈັດຂຶ້ນເປັນເວລາ 6 ວັນ ເຊິ່ງມີບັນດາຫົວໜ່ວຍທຸລະກິດຕ່າງໆໄດ້ນຳເອົາສິນຄ້າຂອງຕົນເຂົ້າຮ່ວມວາງສະແດງພາຍໃນງານຫຼາຍກວ່າ 2.000 ບູດ ແລະ ງານຄັ້ງນີ້ກໍຖືເປັນໂອກາດດີສຳລັບທຸລະກິດໃນລາວເຮົາເພື່ອຊອກຊ່ອງທາງ ແລະ ຄູ່ຮ່ວມມືກັບພາກທຸລະກິດຂອງຕ່າງປະເທດ ໂດຍສະເພາະພາກທຸລະກິດຈີນ ແລະ ອາຊີອາຕາເວັນອອກສຽງໃຕ້ ເຊິ່ງໃນປັດຈຸບັນນີ້ລົດໄຟທົ່ວອາຊີເລີ່ມເປັນຮູບເປັນຮ່າງຂຶ້ນ ທີ່ນະຄອນຫຼວງວຽງຈັນ ແລະ ທີມງານຈາກກຸ່ມບໍລິສັດ PTL Holding ເຊິ່ງເປັນບໍລິສັດແມ່ຂອງ ບໍລິສັດ ວຽງຈັນ ໂລຊິດສະຕິກ ພາກ ຈຳກັດ, ຖືໂອກາດການເຂົ້າຮ່ວມງານວາງສະແດງສິນຄ້າຄັ້ງນີ້ແຈ້ງໃຫ້ນັກທຸລະກິດທົ່ວພາກພື້ນຊາບວ່າການບໍລິການດ້ານໂລຊິດສະຕິກຜ່ານລາວນັ້ນໃຊ້ເສັ້ນທາງການຂົນສົ່ງທີ່ຕົ້ນທຶນຕ່ຳ ຜ່ານສາຍທາງ ແລະ ການບໍລິການຂອງລົດໄຟລາວ-ຈີນ ເຊິ່ງຈະມາເຊື່ອມຕໍ່ກັບລົດໄຟລາວ-ໄທທີ່ທ່ານາແລ້ງ ເລີ່ມເປີດໃຫ້ບໍລິການເດືອນທັນວາ 2021 ຜູ້ນຳເຂົ້າ ແລະ ສົ່ງອອກສິນຄ້າໄດ້ຮັບປະໂຫຍດຈາກຕົ້ນທຶນດ້ານໂລຊິດສະຕິກທີ່ຫຼຸດລົງຫຼາຍ

ບໍລິສັດ ວຽງຈັນ ໂລຊິດສະຕິກ ພາກ ຈຳກັດ, ເປີດເຜີຍວ່າ ການຂົນສົ່ງສິນຄ້າດ້ວຍລົດໄຟຈາກໄທໄປຈີນທີ່ວ່ອງໄວສາມາດຫຼຸດຕົ້ນທຶນໄດ້ເຖິງ 30% ເມື່ອທຽບກັບການຂົນສົ່ງທາງຖະໜົນ ດ້ວຍຂໍ້ໄດ້ປຽບດ້ານຕົ້ນທຶນນີ້ທາງລົດໄຟຈຶ່ງກາຍເປັນປະຕູການຄ້າທີ່ສຳຄັນລະຫວ່າງເອຊີອາເວັນຕົກສຽງໃຕ້ ແລະ ຈີນໂດຍມີປະເທດຕ່າງໆໃນພາກພື້ນນີ້ຫຼາຍຂຶ້ນເລື້ອຍໆທີ່ຄວ້າໂອກາດຈາກເສັ້ນທາງການຄ້ານີ້. ໃນເມື່ອໄວໆນີ້ ASEAN Express ເຊິ່ງເປັນລະບົບລົດໄຟຂົນສົ່ງສິນຄ້າທີ່ເຊື່ອມຕໍ່ມາເລເຊຍ-ໄທ-ລາວ ແລະ ສປ ຈີນໄດ້ສຳເລັດການເດີນທາງຮອບທຳອິດໂດຍໃຊ້ເວລາພຽງ 9 ວັນ (ຖ້ຽວດຽວ) ເມື່ອທຽບກັບ 14-21 ວັນຂອງການຂົນສົ່ງທາງທະເລ. ມີລາຍງານວ່າ ເສັ້ນທາງລົດໄຟສາມາດຫຼຸດຕົ້ນທຶນໄດ້ປະມານ 20% ຈຶ່ງເຮັດໃຫ້ ການເຊື່ອມໂຍງການຄ້າໃນພາກພື້ນອາຊຽນເຂັ້ມແຂງຍິ່ງຂຶ້ນ

ຜ່ານເຄືອຂ່າຍລົດໄຟຈີນ-ເອີຣົບ ສິນຄ້າທີ່ສົ່ງຈາກເອເຊຍຕະເວັນອອກສຽງໃຕ້ສາມາດໄປເຖິງເອີຣົບ ໄດ້ພາຍໃນ 14-20 ວັນ ເມື່ອທຽບກັບ 45 ວັນທາງທະເລ ດ້ວຍການເຊື່ອມຕໍ່ທີ່ດີຂຶ້ນ ແລະ ການເຂົ້າເຖິງຕ່ອງໂສ້ອຸປະທານລະດັບໂລກ ແລະ ລະດັບພາກພື້ນທີ່ມີການແຂ່ງຂັນ ນັກລົງທຶນຈຶ່ງຄວ້າໂອກາດນີ້ ແລະ ທຸ່ມເງິນລົງທຶນໃນລາວຫຼາຍຂຶ້ນໂດຍຫວັງວ່າຈະໃຊ້ປະເທດລາວເປັນຖານການຜະລິດເພື່ອສົ່ງອອກ